وزیر خزانہ ارون جیٹلی نے زرعی سیکٹر میں ترقی کیلئے آبی تحفظ کو لازمی قرار دیتے ہوئے آج کہاکہ آبپاشی میں سرمایہ کاری کا فائدہ جلد ملتا ہے اور مجموعی گھریلو پیداوار (جی ڈی پی) کو بڑھانے میں اس کا اثر فوری طور پر نظر آنا شروع ہوجاتا ہے۔
مسٹر جیٹلی نے آبی وسائل اور ندیوں کے فروغ کی وزارت کی جانب سے منعقدہ پانچ روزہ ’ہند ہفتہ آب 2016‘ کی
افتتاحی تقریب سے خطاب کرتے ہوئے کہاکہ زراعت ہی ایک واحد سیکٹر ہے جس میں سرمایہ کار کو فائدہ فوری طور پر ملنے لگتا ہے۔
سڑک بجلی وغیرہ سیکٹروں میں ہونے والی سرمایہ کاری ڈھانچہ جاتی ترقی کو مضبوط کرتی ہے اور اس کا فائدہ دھیرے دھیرے سامنے آتا ہے جبکہ زرعی سیکٹر میں پہلے سیزن میں سرمایہ کاری کیجئے اور دوسرے سیزن میں اس کا فائدہ ملنا شروع ہوجاتا ہے۔